I pATanu GaMTasAla gAnaM cEyagA en.Ti.Ar pradhAna pAtradhArigA  aBinayiMcAru. I pATalO samudrAla upayOgiMcina ennO padAlu,  upamAnAlalO - kannaDa sEyaka (upEkShiMcaka), kaMdarpa darSaBaMga (manmadhuniki  garvaBaMgaM cEsina vADu), vyOmakESa (AkASamE kESamulugA kalavADu) vaMTi  prayOgAlu BaktigItAlalO ati arudugA kanipistAyi. SaMkarABaraNa rAgAniki  sadupamAnaMgA nilicipOyE I gItAniki japaM, jIvaM annI GaMTasAlE...! pratI  padaM yokka arthAnni samarthaMgA terapai AviShkariMcagaligE naTuDu uMTE vATi  paramArthaM saMpUrNaMgA telisina gAyakuDu eMtagA prANa pratiShTa cEsi pADagalaDO  nirUpiMcE pATa idi. I pATanu sAkalyaMgA cEsi iMTarlUDstO sahA manasulO  SASvataMgA nilupukOgaligina vArevarainA SaMkarABaraNa rAgaMpai koMta paTTuni  sAdhiMcagaligAnani ceppukOvaccu, eMdukaMTE I pATalO SaMkarABaraNa rAgaMtO pATu  A rAgaMlOni janyarAgAla naDakaku saMbaMdhiMcina prayOgAlannI jarigAyi kAbaTTi!

 ఈ పాటను ఘంటసాల గానం చేయగా ఎన్.టి.ఆర్ ప్రధాన పాత్రధారిగా అభినయించారు. ఈ పాటలో సముద్రాల ఉపయోగించిన ఎన్నో పదాలు, ఉపమానాలలో - కన్నడ సేయక (ఉపేక్షించక), కందర్ప దర్శభంగ (మన్మధునికి గర్వభంగం చేసిన వాడు), వ్యోమకేశ (ఆకాశమే కేశములుగా కలవాడు) వంటి ప్రయోగాలు భక్తిగీతాలలో అతి అరుదుగా కనిపిస్తాయి. శంకరాభరణ రాగానికి సదుపమానంగా నిలిచిపోయే ఈ గీతానికి జపం, జీవం అన్నీ ఘంటసాలే...! ప్రతీ పదం యొక్క అర్థాన్ని సమర్థంగా తెరపై ఆవిష్కరించగలిగే నటుడు ఉంటే వాటి పరమార్థం సంపూర్ణంగా తెలిసిన గాయకుడు ఎంతగా ప్రాణ ప్రతిష్ట చేసి పాడగలడో నిరూపించే పాట ఇది. ఈ పాటను సాకల్యంగా చేసి ఇంటర్లూడ్స్తో సహా మనసులో శాశ్వతంగా నిలుపుకోగలిగిన వారెవరైనా శంకరాభరణ రాగంపై కొంత పట్టుని సాధించగలిగానని చెప్పుకోవచ్చు, ఎందుకంటే ఈ పాటలో శంకరాభరణ రాగంతో పాటు ఆ రాగంలోని జన్యరాగాల నడకకు సంబంధించిన ప్రయోగాలన్నీ జరిగాయి కాబట్టి!