ఈ పాటను కె.రాణి పాడగా సావిత్రిపై చిత్రీకరించారు. మిశ్ర శివరంజని రాగాన్ని ఆధారరాగంగా చెప్పుకోవాలీ పాటకి. హుషారుగా ఉండె పాటలని, శృంగార గీతాలని పదే పదే పాడుకోగలం కానీ విషాద గీతలని ఎక్కువసార్లు పాడుకోలేం  -గుండె  బరువెక్కిన పరిస్ధితులలోతప్ప...! ఈ పాట మాత్రం అటువంటి అనుభూతులకు, అనుభవాలకు ఓ మినహాయింపు. మనసు హాయిగా వున్న స్ధితిలో సైతం ఈ పాటను పాడుకోగలం. పైగా  రసానుభూతికి ఏ మాత్రం భంగం కలగదు సరికదా మరింత అస్వాదించగలం కూడా ! అందుకు కారణం సుబ్బరామన్ ట్యూన్ మాత్రమే కాదు ఇంటర్లూడ్స్ కూడా ! అందుకే ఈ పాట ఇవాళ్టికీ ఇంటర్లూడ్స్ తో సహా అందరికీ గుర్తుంది.