మా టీవీ ’భలే చాన్స్ లే’ లో చేసిన వినూత్న ప్రయోగం

 సుమ గురించి తెలియని వారు ఉండరనే చెప్పాలి. తెలుగు ప్రేక్షకులలో ఆమె కున్న క్రేజు తిరుగులేనిది. డిసెంబర్ 2 న  ప్రసారమైన ’భలే చాన్స్ లే’ కార్యక్రమంలో మా టీవీ వారు ఆమె పై ఓ తమాషా ప్రయోగం చేశారు. అది అద్భుతంగా పేలింది కూడా. అదేంటంటే ’అత్తారింటికి దారేది’ సినిమాలో పవన్ కళ్యాణ్ పై రాసిన ’వీడు ఆరడుగుల బుల్లెట్టు’ పాటను సుమకు అన్వయిస్తూ ప్యారడీ చెయ్యడం. సాధారణంగా ప్యారడీ అనగానే కొంత ఆట పట్టించడం, మరికొంత వెకిలితనం ఉంటాయి. అటువంటి వాటి జోలికి పోకుండా - ప్రతి పదం అక్షర సత్యంగా ఎంతో హుందాగా సాగింది ఈ ప్యారడీ. ఒక రకంగా ఈ ప్యారడీ పాట సుమకు ఓ సన్మాన పత్రం లాంటిది. మా టీవీ లో స్క్రిప్ట్ రైటర్ గా ఎన్నో మంచి మంచి వాక్యాలు, పదాలు, ఉదాహరణలు రకరకాల సందర్భాలలో  రాసిన గోపరాజు రాధాకృష్ణ (గోరా) ఈ ప్యారడీ పాటను రాశారు.  ఆ ప్యారడీ పాట 'భలే చాన్స్ లే ఎపిసోడ్ 262' అనే పేరుతో యూ ట్యూబ్ లో వుంది చూడొచ్చు.