శ్రీ ఎస్వీ కృష్ణారెడ్డి దర్శకత్వం లో రాబోతున్న 'యమలీల -2' సినిమాకి అనంత శ్రీరామ్ మొత్తం ఆరు పాటలూ రాశారు. ఇది వీరిద్దరికి మొదటి కాంబినేషన్. గతంలో కె. అచ్చిరెడ్ది గారి నిర్వహణ లో ఆర్.ఆర్. మూవీస్ కి అనంత శ్రీరామ్ 3 సినిమాలకు పాటలు రాసిన పరిచయం ఇప్పుడు కృష్ణారెడ్డి గారి సినిమాకి సింగిల్ కార్డ్ రైటర్ అవడానికి పనికొచ్చింది. పాటల రచన, స్వరకల్పన, రికార్డింగ్ పూర్తయిపోయింది.

"ఇందులో కృష్ణుడి మీద ఓ పాట వుంది. అది వినడానికి ఎంత బావుంటుందో , సినిమాలో చూస్తే ఇంకా బావుంటుంది. నేను రాసిన మంచి పాటల్లో ఇది కూడా ఒకటి. అంతేకాదు ... ప్రతి కృష్ణాష్టమికీ ఈ పాటని మనవాళ్ళు పాడుకుంటారు కూడా" అన్నారు అనంత శ్రీరామ్.